S’Assessorau a su Spetàculu, Turismu e Cultura de su Comunu de Aristanis, Input On Stage e su Tzentru commertziali naturali de Turrimanna, pighendi a cunsideru sa situatzioni sanitària de custus tempus po su chi pertocat sa crèscida de is contàgius de Covid-19,po assigurai s'amparu de sa saludi pùblica, ant detzìdiu de annuddai su “Street chef”, programmau de su 28 a su 30 de austu in sa passillada a mari de Turrimanna.
Fintzas a oi s’organizatzioni at garantèssiu su respetu de is normas anti Covid e totu is eventus si sunt fatus in siguresa, sighendi totu is prescritzionis, imperendi is dispostivus de siguresa personali.
In cuscèntzia seus peroa arribaus a sa detzisioni sunfrida de scancellai is eventus afatantis po amparai sa colletividadi intrea. Duncas sperendi chi andit totu beni, torraus gràtzias a totu is chi ant pigau parti a is eventus e agiudau a fai custa istadi giai giai normali.