Movendi de lunis 31 de austu e finas a cenàbura 4 de cabudanni, in cincu mangianus de sighida, de is 9 oras a sa 1, is chi pigant parti ant a teni modu de sperimentai unas cantu disciprinas artìsticas e parai faci a temàticas èticas e sotzialis, cun sa ghia de espertus professionistas. S'at a podi pigai parti a is atobiadas a solas o a totucantus.
Su calendàriu
Lunis 31 de austu - Giogaus cun su yoga e sa fotografia - Laboratòriu coordinau de yoga e fotografia si ndi incurat Alessandra Uccheddu, maista de yoga e Simona Sanna, fotografa.
Martis 1 de cabudanni - Imbalapipius de is domus - Laboratòriu de disènniu si ndi incurat Claudia Testa, illustradora.
Mèrcuris 2 de cabudanni - Diversus de Chini? Laboratòriu de intercultura e arraxonus intra de sa diversidadi si ndi incurat s’Osvic.
Giòbia 3 de cabudanni - Ndi pesaus impari su stemma de famìllia - Laboratòriu de ceràmica si ndi incurat Angela Regina Zoccheddu e Raffaele Cau, congiolàrius.
Cenàbura 4 de cabudanni - Su traballu de s'archeòlogu - Laboratòriu de archeologia si ndi incurat Simona Faedda, archeòloga.
Su costu po pigai parti est de 15 èuru a cadaunu laboratòriu, 70 èurus po totu is 5 laboratòrius.
Coordinamentu Paola Contini. Informus e prenotatzioni +39 3425887847.
Fadendi is cursus s'ant a assegurai is mesuras de seguresa chi ponint in contu is normas e is protocollus Covid-19.