Avisu de su Sìndigu de Biddobrana
"Biu ca est circulendi e spaniendi-sì su Virus in su nord Sardigna e in mesu a totu me in is zonas turìsticas de Gaddura, su Sìndigu invitat a totu cussus chi si funt firmaus in custus logus me in is ùrtimu 2 cidas a apoderai unu regimi de àutu isulamentu voluntàriu e abarrai atesu de bècius e genti chi est a arriscu.
Custu invitu est sceti po caudela, no essendi-nci in su Comunu nostu MANCU una positividadi.
Serbit a arregordai a totu sa populatzioni ca s'impreu de sa mascarina est s'ùnicu arrimèdiu profetosu po non spaniai su virus impari a s'arrègula de abarrai atesu s'unu de s'àteru. Po tanti finas foras de is localis si pedit de abarrai sèmpiri atesu s'unu de s'àteru e de si poni sa mascarina po caudela candu sa genti est a cracu e non fait a s'abarrai atesu.
Tocat a si movi cun responsabilidadi e cun sabiori po assegurai sa saludi e sa sarvesa de totus".