Su Consultòriu familiari de Aristanis at torrau atacai cun is cursus de acumpangiamentu a sa nàscida po totu is fèminas chi funt abetendi fillu. Arrispetendi is mesuras po non s'atacai apari su Covid-19, is cursus s'ant a fai in duus modus: in videucunferèntzia, de modu chi is fèminas prìngias non podendi-sì movi ddus potzant sighiri de domu sena de s'iscomodai e cun atobiadas in su parcu, po favoriri de si connosci pari pari totu su grupu de su consultòriu e is fèminas, in cunditzioni de seguresa.
Sa punna de sa carrera de atòbius est cussu de fruniri a is mammas e babbus nous s'agiudu e sa consulèntzia de figuras calificadas, po ddus preparai cun responsabilidadi e cun assusegu a scendiai e a atendi a su pipiu me in is primu mesis de vida.
Is cursus, totus a indonu, funt spartzius in seti atobiadas prus unu afatanti a su scendiòngiu, innui s'at a donai su beni beniu a is pipius moddis.
Custas is datas de inghitzu e acabbu de is cursus afatantis in programma:
- de su 27 de austu a s'8 de su mesi de ladàmini, totu is giòbias a mangianu;
- de su 16 de cabudanni a su 28 de su mesi de ladàmini, totu is mèrcuris a mangianu;
- de su 20 de su mesi de ladàmini a su 1 de su mesi de idas, totu is mèrcuris de is 3 a is 5 e mesu de merii.
Po s'iscriri o ndi sciri de prus, fait a tzerriai a su nùmeru 0783.317700 (de sa ora de is 8.30 a is 9.30 e de is mesudii a sa 1 e mesu de meigama) o mandai posta eletrònica, ponendi a craru su nòmini e sa data de inghitzu de su cursu chi si bolit fai, a s'indiritzu: consultorio.oristano@atssardegna.it.