Sa consulta de is giòvunus est una idea ...unu progetu chi est nascendi... e po biri sa luxi e cresci tenit abisòngiu de nosu giòvunus.
Est una initziativa prumòvia de s'amministratzioni comunali cun sa punna de favoressi sa partecipatzioni de is giòvunus a sa vida sotziali de Siamajore e Pardu Nou e fai unu organismu chi
permitat de pònniri in òpera is ideas chi sa bidda e is giòvunus nostus ant a tènniri.
Imperendi duncas custa aina, boleus cuncordai unu spàtziu inui totu is giòvunus podint espressai is ideas issoru, fai propostas, nai su chi disigiant chi si fatzat, po circai de ddu realizai
totus impari.
Po ddu nai a manera formali..
Sa consulta de is giòvunus est unu organu consultivu de su Consillu Comunali, chi peroa non fait polìtica e non tenit partidu. Iat a podi giai parris po su chi pertocat is polìticas po is
giòvunus, cuncordai manifestatzionis, atòbius in àmbitu sportivu, musicali, culturali, e fintzas viàgius e bessidas. Su statutu de sa Consulta ddu seus fadendi e in su interis boleus intendi su
parri de bosatrus.....Ita ndi pensais?
Podeis scriri a politichegiovanili@comune.siamaggiore.or.it
Po scarriai su mòdulu de adesioni, sighei custu link