Mèrcuris 26 de austu a is 4 de meigama in sa sea de su municìpiu in sa bia de leopardi n.8 s'at a atobiai sa Cummissioni eletorali comunali po nominai is scrutadoris po su Referendum costitutzionali chi si fait me in is diis 20-21 de cabudanni de su 2020. Sa Cummissioni eletorali at stabiliu ca, po sa nòmina, ant a passai prima is chi non tenint nisciunu tipu de traballu e non tirant indennidadi de disocupatzioni, cassa integratzioni, mobilidadi e nisciunu tipu de pensioni. Custus rechisius tocat de ddus ai autocertificaus aintru de su 13.08.2020. Sa Cummissioni at a incarrelai a tirai a sorti n.15 scrutadoris titularis e n.15 scrutadoris suplentis. S'atòbiu de sa Cummissioni est aberta a su pùblicu e a totu is interessaus funt invitaus a ndi pigai parti sighendi is disponimentus po arrefrenai s'apretu epidemiològicu de COVID-19.