Museu Tzìvicu Giovanni Marongiu de Crabas
Su Museu Tzìvicu de Crabas inaugurau in su 1997, tenit sa punna de ammostai is repertus archeològicus chi ndi benint de su territòriu comunali de Crabas in sa penìsula de su Sinis.
Su periodu prenuràgicu e nuràgicu est documentau dae is benis arrecuperaus in su villàgiu de Cuccuru is
Arrius chi at giau testimònius meda a movi de su Neolìticu de mesu.
S'edadi stòrica est invècias ammostada dae repertus chi ndi benint de s'antiga tzitadi de Tharros, pesada
de is fenìcius asuba de unu villàgiu nuràgicu chi giai ddui fiat e ammanniada in edadi pùnica e romànica.
A fai prus arricu su percursu de su Museu sunt panellus didàticus chi pertocant sa mosta temporànea ” in piscosissimo mari” .
De su 7 de làmpadas de su 2008 ant inaugurau sa sala deditada a su "Relitto di Mal di Ventre" e de su 22 de
martzu 2014 cussa chi pertocat is istàtuas de Mont’e Prama.
De insaras su museu acullit is "GIGANTIS DE MONT'E PRAMA", una de is crobàntzias de prus importu de su mediterràneu.
Su museu cuncordat laboratòrius didàticus apitzus de chistionis archeològicas e naturalìsticas po totu is iscolas, atòbius de istùdiu e cunvènnius. Est preferìbili a prenotai ainantis po trumas e
po is laboratòrius didàticus . Non nci sunt barrieras architetònicas.
Inui s'agatat
Museu - Bia de Tharros, snc - 09072 - Tel. 0783.290636
àrea archeològica de Tharros c/o Santu Giuanni de Sinis - tel. 0783.370019
Diretori iscientìficu: Dotora Carla Del Vais
Curadori: Prof. Salvatore Sebis
Enti titolari: Comuni de Crabas