COMUNU DE SANTA JUSTA
Sa Sea Romànica de Santa Justa
Est in su de XII sèc, chi sa basìlica de Santa Justa ndi dd’iant pesada comenti a Sea, imperendi fintzas elementus de s’architetura pisana.
Strantaxada a s’intrada nord de sa bidda, si scerat po s’imponèntzia cosa sua comenti a òpera de su mellus romànicu sardu. Is chi dd’abbisitant podint biri una faciada armudiada, innui s’arrepitint lesenas e arcadas, una trìfora e una losanga a gradonis in su tìmpanu. Sinnu chi marcat sa faciada principali est sa loba de lionis chi afracant duus cerbus postus peparti a su stanti.
De importu mannu est fintzas s’àbsidi orientada agiomai giustu a est. Sa parti de aintru est rigorosa, innui s’arrepitint arcadas asuba de corònduas, su presbitèriu est postu asuba de sa cripta chi est un ùnicum in totu s’ìsula. Is capellas a peparti e sa turri de su campanili in stili neoromànicu ndi dd’as ant pesadas a pustis .de su primu fràigu medievali.