Sa Crèsia de Nostra Sennora de Carcàxia
Sa Crèsia de Nostra Sennora de Carcàxia (X-XII sec.) fadiat parti de una villa de s’edadi de mesu de sa antiga curatoria de Bonòrcili, sciusciada dae is Saracenus in su de XV sec.
A su chi narat una crièntzia antiga, is chi si fuant sarvaus si si fiant cuaus in cussu chi immoi est sa bidda de Mòguru. Su fueddu Carcàxia nascit de s’allòbiu de duus fueddus sardus difarentis: carca (schiaccia) e àxia (uva).
Sa cresiedda antiga dd’iant intregada, sighendi su chi narat sa traditzioni a sa Vìrgini in su celu; a testimòniu de custu fatu est abarrau su costumu in sa popolatzioni mogoresa de passai sa noti primu de s’Assuntzioni, in is bìngias de su territòriu de Carcàxia e cun cantus, ballus, mandiari e carrus cuncordaus a festa, si aprontànt a sa tzelebratzioni.
Sa crèsia ndi dd’ant torrada a pesai in su 1921, gràtzias a is ofertas fatas de totu is mogoresus.