Po nexi de is acumprimentus tècnicus acapiaus a s'apretu Covid-19, cunsiderada sa crescida manna de is cuntagiaus in s'isula, ant annuddau o trantziu a data de decidi unus cantu eventus chi at promòviu su Comuni de Aristanis e chi funt in su calendàriu de s'istadi.
Cras in su parcu de sa crèsia de Santu Giuanni de is Froris, fiat in programma “Storia e miti raccontati dalle costellazioni del cielo”, unu merii intregau a castiai is costellatzionis e is pranetas chi si biint in custas diis e a contai is mitus acapiaus a cussas. S'atobiada, a incuru de s'assòtziu culturali "Eleonora d’Arborea" de Aristanis, immui ddu ant annuddau.
Ant annuddau finas s'arrapresentatzioni teatrali chi curàt su regista Francesco Paolo Luigi Angioni. Is tragèdias Amleto, Riccardo III e Lear fiant in programma cras e sàbudu a merii in sa pratza aintru de su "Hospitalis Sancti Antoni".
Sàbudu in su logu chi fiat po is camperistas de su biali Repùblica non nci at a essi sa mùsica de "Rock in Contea". S'atobiada a incuru de s'assòtziu culturali de arrecreu "Contea" dda ant trantzida a su 29 de austu.