Si fait sciri ca a movi de su 17 de austu si podit presentai sa dimanda po pigai parti a su servìtziu de acullèntzia pre e post scolàstica e a sa cuntzessioni de contributus, ambadus chi arremprasant su servìtziu de trasportu scolàsticu. Sa scadèntzia est po su duus de cabudani 2020, a is 14:00.
Podint intregai s'istàntzia po gosai de s'acullèntzia pre e post scolàstica e po àiri is contributus de custu bandu pùblicu, totu is chi tenint asumancu unu fillu o parenti o comentisisiat conviventi, chi tèngiat custus rechisitus:
- s'istudianti siat scritu e frecuentit s'asillu, sa scola elementari o mèdia de Prammas;
- s'istudianti bivat in una domu chi est atesu de sa scola de duus a dexi chilòmetrus o bivat in una domu anca est difìtzili lompi e a mesu de stradas de sartu, inui non ddu at marciapei e inui ddui bivit pagu genti.
Su servìtziu de acullèntzia pre e post scolàstica s'at a fai una ora a mengianu de is 7:30 a is 8:30 e una ora a merì de is 13:30 a is 14:30. Ant a èssiri arricius is istudiantis chi, essendi ca tenint is rechisitus po àiri su cuntibutu , non sunt in sa cunditzioni de èssiri acumpàngiaus a scola in s'oràriu de intrada inditau de s'Istitutu Comprensivu n. 1 o de èssiri acumpangiaus a domu in s'oràriu de bessida.
Is domandas si podint intregai in custas maneras:
- a manu a s'ufìtziu de su protocollu de su Comunu de Pramams;
- cumpilendi su mòdulu online chi agatais in su situ internet ;
- a mesu de posta a s'indiritzu "Comune di Palmas Arborea, via Rinascita 19, 09090 Palmas Arborea (Or)";
- imperendi sa PEC a s'indiritzu protocollo@pec.comune.palmasarborea.or.it;
Sighendi custu link podeis ligi totu su bandu e scarriai sa modulìstica.