Fotografia pigada de Sardegnadigitalibrary.
Comenti a totu is biddas de sa Sardìnnia, fintzas Arriora tenit su costùmini traditzionali cosa suu, imperau prusatotu de is fèminas in is festas o tzerimònias privadas e religiosas.
Su costùmini de s'òmini est carateritzau de su cropetu, (giubbetto) de pannu nieddu, cun duas fileras de arimetas doradas e arranda a colori de oru in s'oru, chi ammantat sa camìsa (la camicia) de linu biancu e arricamada ainnantis, in is palas e in is bruzitus, Sèmpiri in linu biancu sunt is cratzonis (i calzoni) e asuba de custus is cratzonis de arroda (gonnellino nero).
Su costùmini de is fèminsa est fatu de bistimentas de coloris sèrius. Agataus sa camìsa (la camicia) arricamada a manu e asuba de custa si ponit s'imbùstu (busto), fatu in brocau. In s'ierru benit aciuntu su zipoi (giubbetto) in arroba niedda apretziada (seda, velludu o arrasu). Sa gunnedda est fata a pinnicheddas; sa prus bella est cussa de colori scuriosu e cun pinturas de froris a colori de oru, gunnedda seti^u ‘ndorau. Ainnnantis de sa gunnedda si portat su pannu de ainnanti (grembiule), fatu de arroba ligera. In sa conca si imperat su scufiòtu, triàngulu de arroba arrùbia e asuba su muncadori, in seda e su muncadori spratu, chi arruit fintzas a sa metadi de sa gunnedda. In ambadus is costùminis ddui sunt arimetas de oru e prata.