Apustis de sa simana de serrada netzessària chi at interessau totu su stadu e chi s'at obligau a torrai a cuncordai is atividadis giai programmadas, su 27, 28 e 29 de argiolas si sunt tentus is traballus de tastu de s'ollu de sa giuria natzionali po sa de 27 editzionis de su Cuncursu Montiferru, Prèmiu Natzionali po s'Ollu Extravìrgini de Olia.
S'editzioni 2020 de su Prèmiu Montiferru at biu in cumpetitzioni 83 ollus, 75 chi ndi beniànt de 11 regionis italianas e 8 chi nd'arribànt de foras de istadu.
Totu is fainas chi pertocànt is anàlisis de fragu e sabori de s'ollu dd'as ant cuncordadas in sa sala deditada a su tastu de sa Càmera de Cummèrtziu de Aristanis cun s'agiudu de Agris e
Laore e dd'as at mandadas ainnantis su Dotori Pietro Paolo Arca chi at tentu s'incàrrigu de Presidente de sa Giuria Natzionali e dd'ant agiudau is Dotoris Piergiorgio Sedda (Agris) e Efisio
Sanna (Laore).
Sa segreteria e s'assistèntzia a su Panel ddas ant sighidas Piera Bacciu e Giampiero Marchinu de Laore, Luisa Carta e Andreana Morittu de Agris e Alverio Cau de sa Càmera de Cummèrztiu de
Aristanis.
In sa giùria ddui fuant 10 tastadoris chi ndi beniànt de 9 regionis: Giovanni Lacertosa po sa Basilicada, Giovanni Pipolo po sa Campània, Angelica Corrado po s'Emilia Romànnia, Maria Laura Nespica po su Làtziu, Donatella Di Sebastiano po is Marcas, Anna Rosa Zaza po sa Pùllia, Palmerio Zoccheddu e Gianluigi Pili po sa Sardìnnia, Maria Luisa Alfano po sa Sicìlia e Marco Pampaloni po sa Toscana.
Prèmius e arreconnòscimentus de su Cuncursu ant a èssiri assinniaus a is primus tres ollus italianus e internatzionalis classificaus in custas setzionis :
1. DOP/IGP
2. Biològicu
3. Monocultivar
4. Pluricultivar
5. ùnica Internatzionali
S'ant a assinniai fintzas custus prèmius spetzialis:
6. Molinàrgius chi non sunt produtoris agrìculus ;
7. Hermanu - Prèmiu giau a s'ollu natzionali o internatzionali cun sa càrriga prus arta de antiossidantis ;
8. Confetzioni prus bella
Su bincidori dd'ant a proclamai in ocasioni de sa tzerimònia de premiatzioni, candu eus a detzidi su logu e sa dì.
Su Prèmiu Montiferru est prumòviu e cuncordau dae sa Càmera de Cummèrtziu de Aristanis, su Comunu de Sèneghe, is Agèntzias Agris Sardìnnia e Laore Sardìnnia, s'Universidadi de Casteddu, s'Unioni de is Comunus de su Montiferru-Sinis e cun s'agiudu de s'Assòtziu Natzionali “Tzitadi de s'Ollu de Sèneghe e is Agèntzias Agris Sardìnnia e Laore Sardìnnia.