Sa "Agraltirso", sotziedadi cunsortili cooperativa chi tenit in gestioni su Mercau de sa fruta e birdura de Aristanis - Fenosu, at publicau su bandu pùblicu po 10 postègius.
Funt 5 postègius de 105 metrus cuadraus e 5 de 125 metrus cuadraus. Sa cuncessioni durat 6 annus. Podint pigai sa cuncessioni de is postègius: is produtoris asolus o assotziaus, finas is chi non funt iscritus me in is albus aposta; is cunsòrtzius e is cooperativas de produtoris o de cummerciantis; astadoris e mandadoris iscritus me in is albus aposta; is impresas chi traballant, allogant e trasformant is prodotus.
Is dimandas, a paperi bullau de € 14,62, tocat de ddas intregai a busta serrada, me in is ufìtzius de sa Sotziedadi Cunsortili Cooperativa "Agraltirso" in Aristanis - localidadi Pedra Lada - Bessida po Fenosu – cun sa scrita "cuncessioni postègiu mercau nou de fruta e birdura" o cun PEC de su Cunsòrtziu agraltirso@pec.it aintru de is 10 de s'11 de cabudanni de su 2020. Is dimandas, s'ant a podi intregai finas cun Racumandada A.R.
Is dimandas tocat de ddas intregai impreendi su schema aposta.
Po ndi sciri de prus si podit cuntatai su 3287358604 de su lunis a sa cenàbura de is 9 oras a sa 1 de meigama.