A Turri Manna de su 21 a su 23 de austu is Campionaus italianus de tennis in spiàgia de III e IV categoria
Aristanis, est abetendi a ospitai prus o mancu 200 atletas a is campionaus Italianus de III e IV categoria chi sa Federatzioni Italiana Tennis at assinnau a s'"ASD Eolo Beach Sports".
“Po sa primu borta unu Campionau Italianu de "Beach Tennis" s'at a fai in Sardigna e custu si fait gallosus – narat Diego Fratini (campioni sardu de dòpiu de 3° cat. cun Cappai), responsàbili de su setore "beach tennis" de s’ASD Eolo Beach Sports -. Custa manifestatzioni arribat in unu annu a cudda genia, cun una surra de stentus econòmicus e logìsticus po nexi de sa cunditzioni natzionali apustis de su Covid. Scideus perou de in mezus nostus e de sa gana de is atletas de pigai parti a manifestazionis de custu tipu. Est po custu chi eus decidiu de cunfirmai s'organizatzioni. Su movimentu sardu est sanu e contat de una surra de apassionaus, sa spera est cussa chi is Campionaus Italianus siant s'espressioni de custu fermentu".