Sa Rai at a chistionai in lìngua sarda. Cun sa firma de sa cunventzioni intra de sa Presidèntzia de su Consillu de is Ministrus - Dipartimentu po s'informatzioni e s'editoria e s'Azienda cuncessionària de su servìtziu pùblicu radiutelevisivu, frutu de unu arraxonada istitutzionali fitiana chi at incarrelau su Presidenti de sa Regioni Sardigna Christian Solinas finas de s'inghitzu de su mandau suu, si fait realidadi unu progetu abetau de diora meda: sa programmatzioni in lìngua sarda me in is canalis regionalis radiofònicus e televisivus de sa RAI, comenti giai acuntessit po àteras lìnguas localis in àteras Regionis, cunforma a su Cuntratu de Servìtziu in vigori.
Sa programmatzioni at a movi in atòngiu, cun 100 oras de programmatzioni radiofònica e 22 de programmatzioni televisiva,apitzus de cultura, atualidadi, informatzioni, intratenimentu. Cunforma a sa cunventzioni, su progetu ddu at a portai a càstiu unu Comitau de Indiritzu anca faint parti Guvernu, Regioni sarda e RAI. (Nova de sa Ansa)