Su Comunu de Aristanis, esecutendi sa Delìbera de sa Giunta Comunali n. 92/2020 prumòvia dae s'Assessorau a su Turismu, at aviau su procedimentu po ammanniai, segundu sa lei, sa valididadi de is cuncessionis demanialis marìtimas a imperu turiìsticu e de arrecreu fintzas a su 31/12/2033, ponendi in atu sa lei de Bilàntziu n. 145/2018, art. 1, commas 682-683 e sa Determinatzioni RAS – Ass. Entis Localis n. 54 Prot. 1942 de su 20/01/2020.
Is Cuncessionàrius interessasus a s'estensioni po cuìndixi annus e chi tenint is recuisitus prevididus, podint intregai s'istàntzia cun su mòdulu dedicau alliongiau a sa Det. 911/2020. Sa scadèntzia po presentai is domandas est fissada a su 30 de cabudani 2020.
Est unu procedimenu de importu mannu - marcat s’assessori Massimiliano Sanna - chi bolit garantiri sa sighidura de is atividadis chi gia traballant in sa borgada marina de Turrimanna e chi sunt fundamentalis po su svilupu econòmicu e turìsticu de su territòriu aristanesu.
Atrus acraramentus si podint domandai a s'Ufìtziu de su Demàniu de su Comunu de Aristanis, chi s'agatat a su de duus pianus de su Palatzu de is Iscolòpius – tel. 0783 791340.
Po ligi totu is documentus, sighi custu link