Sa Fundatzioni Sardìnnia at publicau unu bandu po seletzionai 25 tra disocupaus e genti chi tenit gana de diventai imprendidori , interessaus a incumentzai unu càminu nou po MEDSt@rts (Med microfinance support system for start-ups), capufilera de su progetu europeu.
Sa domanda scadit cenàbura 4 de cabudani 2020 e is ideas de impresa - premiadas cun unu finantziamentu fintzas a 10.000 èurus - podint pertocai unu o prus de custus setoris: digitali, agrualimentari, eco-design, artesania, benis culturalis, turismu e servìtzius a sa persona.
Cuncordau po s'Itàlia in collaboratzioni cun SFIRS Spa e Càmera de cooperatzioni ìtalu-àraba, su percursu si indiritzat a personas giòvanas e chi tenint gana de fai: disocupaus (18 - 40 annus) e/o impresas abertas de non prus de 4 annus chi tenit is sòtzius o su rapresentanti legali si est dita individuali - chi tenint una edadi intra de 18 e 40 annus. Arreconnoscimentus particularsi sunt prevididus po is fèminas e po is chi tenint intra de 24 e i 35 annus.
Is atividadis s'ant a fai in Casteddu in sa simana intra de ladàmini e friarxu cun una seletzioni lestra e unu programma po imparai a fai una impresa , cun seminàrius web e mentoring, formatzioni in su campu po amellorai capassidadis e abilesas.
Po àteras informatzionis craca innoi.