Su "Pedras et sonus jazz festival" est praxada meda de s'ammostai, in su cuncertu suu de anteprima de custa editzioni, sa de tres, unu spetàculu musicali nàsciu de s'unioni de tres artistas: su polistrumentista e cantanti Njamy Sitson, at a intrai in sa genna de su tempus de sonus e dda at a aberri sa Diretora Artìstica de su festival Zoe Pia a su crarinetu e launeddas, a su costau de su pianista Roberto De Nittis. A cumpretai su palcu po su progetu “Vetrine Sonore” nci ant a essi is tres famìllias Mandis de Mòguru chi ddas at a arrapresentai Bruno, Carlino e Alberto Mandis, artisanus de linna artìstica.
Unu spetàcolu chi non fait a perdi nàsciu de intèssiu de is traditzionis de sa bidda e artistas de fama internatzionali.
Atobiada su 07 Agosto a is 10:00 de noti, in Mòguru in sa pratza de sa crèsia de su Crammu.
S'intrada non si pagat ma tocat a marolla a prenotai a su nùmeru +393791579897 o a posta eletrònica a s'indiritzu prenotazionipedras@gmail.com aintru e sena de sartai is 3 de maigama de sa dii etotu de su cuncertu.
A s'ora de prenotai (posta eletrònica o telèfonu) est de òbrigu a scriri, a cada unu spetadori:
– Nòmini;
– Sangunau;
– Nùmeru de cellulari.
Sa prenotatzioni tocat a dda fai po ònnia cuncertu, duncas is chi funt interessaus a biri totu is 7 cuncertus in programma depint prenotai ònnia borta, ponendi a craru sèmpiri su nòmini de s'eventu chi si bolit biri.
N.b Totus is eventus de sa de tres editzionis de "Pedras et Sonus Jazz festival" s'ant a fai arrispetendi totu is normas in vigori contras a su Covid-19.