Su Setori Servìtzius a sa Persona e Tzitadinàntzia de su Comunu de Aristanis fait sciri ca su 3 de austu ant aprovau sa graduatòria provisòria REIS – Rèditu de Inclusioni Sotziali, finantziau de sa Regioni Sardìnnia po is tre annus 2019-2020.
Is interessaus podint averiguai s'arresultau de s'istàntzia issoru e is arrexonis de escruidura si ndi ddu at, imperendi su nùmeru de protocollu assotziau a sa presentatzioni de sa dimanda.
Sa graduatòria at a abarrai in vigori 30 diis movendi de sa data de aprovu.
Is chi ant fatu sa dimanda e sunt stètius escrùius ant a podi presentai àterus documentus e/o ricursus cun una istàntzia scrita de mandai a su protocollu de s’Enti intra de su 02/09/2020.
Si intra de tali dì no arribant àterus documentus e/o ricursus, sa graduatòria at a èssiri definitiva.
Su Servìtziu Informacittà est a disponimentu su lunis, mèrcuris e cenàbura a mengianu, po agiudai is tzitadinus interessaus a mandai àterus documentus o a pediri de torrai a fai unu èsamini de is istàntzias.
Po àteras informatzionis e acraramentus podeis cuntatai a telefònu s'ufìtziu de is servìtzius sotzialis in is oràrius inditaus in su situ istitutzionali a su nùmeru 0783/791291- 288 - 293 – 342 – 208 – 485 – 204.