Su costùmini de is òminis si podit nai ca siat sparèssiu, mentras cussu de is fèminas non ddu imperant giai prus.
Sìmplitzi ma fintzas sòbriu e eleganti, est fatu de custus elementus:
- sa Camisa, chi dd'ant fata fintzas a sa simana de sa primu gherra mondiali in linu e immoi in cotoni , tenit duas partis arricamadas a manu;
- s'umbustu, si ponit asuba a sa camisa; est fatu cun schèscias diversas de arroba; is prus bellus sunt de brocau e arrasu;
- su giponi, si ponit asuba a s'umbustu, est de seda velludu;
- sa gunnedda, longa fintza a a su brutzu de su pei, totu a pinnigas foras de sa parti de ainantis;
- su pànnu de ainanti, unu davantàlliu a suba de sa gunnedda de arrasu cun pinturas ;
- su muncadòri, chi si poniat in conca, de seda o de àtera arroba (caraterìsticu su muncadòri 'e sed'a matta 'n corru" = il fazzoletto di seta con una rosa raffigurata in ogni angolo) e i muncadòris antigus; su muncadòri tanàu, chi si poniat asuba de su primu, agiummai de colori iscuru;
- su sciàllu, si poniat in conca (de is fiudas e de is personas in lutu) e asuba a is palas, de seda o lana;
In prus a custu costumini, fiat presenti fintzas una gunnedda fata cun pannu arrùbiu e calchi tira de oru e invècias de su muncadòri tanau, si imperàt "su sciàllu de séda.
Su costùmini de is òminis est fatu de: sa camisa, de linu aberta pagu pagu ainantis, serrada cun is butonis sardus ; is cratzonis in linu; su còssu, chi si poniat asuba a sa camisa; is cratzonis de arroda in orbaci, arrùbius o nieddus; sa giacheta, is cratzas, sa barritta, in orbaci niedda.