Fotografia liada de 377project.com
Is caminus naturalìsticus chi Biddobrana oferrit a is chi amant sa natura sunt diversus e aranguitzus. Asuta a su Monti Arci ddu at àreas furnidas cun mitzas craras chi permitint a is chi si faint una passillada, de si pausai. Sighendi a andai aintru a su padenti intamis si atòbiant moris prus difìtzilis de percurri innoi si podint biri matas secularis e una vegetatzioni arrica meda.
Aintru a su territòriu comunali s'atòbiant agiummai 38 nuraxis. E calincunu de custus, comenti a Bau Mèndula, Tùrriu, Crannàxiu, est intreu e si podit abbisitai sighendi moris chi portant a logus bellus meda de ammirai.
In sa bidda, innoi is domus sunt po su prus a sa manera campidanesa, argunus bixinaus sunt abarraus agualis in su tempus, prusatotu cussus prus bècius. Ddu scòviant is portalis antigus chi afaciànt a is curtillas e a is lollas e chi fintzas a dì de oi caraterizant is bias istòricas de sa bidda, torradas a fai in calchi tretu in imperdau.