Referendum de su 20 e 21 de cabudanni de su 2020 - Sceberu de is eletoris chi funt in s'interis fora de Itàlia po votai po mesu de currispondèntzia.
Is eletoris italianus chi po traballu, stùdiu o curas mèdicas s'agatant fora de Itàlia unu tempus de assumancu tre mesis, sa dii chi s'ant a fai is eletzionis, e finas is familiaris chi bivint impari a cussus, ant a podi votai po mesu de currispondèntzia chi ant a cuncordai is ufìtzius consularis italianus (lei 459 de su 27 de su mesi de idas de su 2001, comma 1 de s’art. 4-bis), arricendi sa scheda a s'indiritzu insoru fora de Itàlia. Po votai fora de Itàlia custus eletoris ant a depi fai arribai aintru de su 19 de su mesi austu de su 2020 a su Comunu de iscritzioni in is listas eletoralis su sceberu aposta. Fait a arrevocai su sceberu aintru de sa matessi data. S'arregordat ca su sceberu est sceti po sa consultatzioni in chistioni (est a nai, immui, po is votatzionis de su 20 e 21 de cabudanni de su 2020).
Po fai su sceberu si podit impreai su modellu chi fait a scarrigai de su giassu istitutzionali de su Comunu e tocat de nci ddu mandai o a posta o a facs o a posta eletrònica finas cussa non certificada, o a nci dda portai a manu a su Comunu finas genti diversa de s'interessau.
A sa decraratzioni de sceberu tocat de òbrigu a ddi auniri còpia de documentu de identidadi bàllidu de s'eletori.S'indiritzu de postà eletrònica po nci mandai su sceberu est: demografici@comune.solarussa.or.it