Sa Diòcesi de Abas-Terraba at istituiu unu fundu de solidariedadi de € 250.000,00 a favori de siendas, impresas, traballadoris autònomus e partidas IVA, in dificultadi po nexi de s'apretu COVID e s'inserru fortzau de is mesis passaus.
Is dimandas tocat de ddas intregai aintru e sena de sartai su 31 de austu de su 2020.
Sa modulìstica e totu is novas funt a disponimentu in su giassu web de sa Diòcesi.
Su Diretori de sa Caritas Diocesana don Marco Statzu at nau: "Auguraus-sì ca in medas fatzant rechesta e po su prus chi, ponendi unu pagheddu de licuididadi, si torrit a afortiai sa fidùcia me in is imprendidoris, si strumbullint ideas nobas, si donit fortza a is chi funt dèbilis e si ndi pesit unu giru virtuosu de agiudu pari pari. Sa caridadi sena de circai sèmpiri sa giustìtzia, finas sotziali, arriscat de essi sceti assistentzialismu. Nemus si sarvat a solu, e sa Crèsia, sendi corpus mìsticu de Cristus, testimòngiat custa beridadi manna".