AVISU PO INTREGAI AUTOCERTIFICATZIONI po sa nòmina de is scrutadoris.
Sa Commissioni Eletorali Comunali depit incarrerai a sa nòmina, pischendi a sorti, de is scrutadoris po su Referendum Costitutzionali chi s'at a fai su 20-21 de cabudanni de su 2020. Si invitant a is personis iscritas in s'albu de is scrutadoris a intregai autocertificatzion innui depint decrarai:
- de essi iscritus in s'albu de is scrutadoris chi tenit su Comunu de Mòguru;
- de no ai fatu su scrutadori in una de is ùrtimu duas consultatzionis eletoralis;
- de non fai atividadi lavorativa peruna;
- de non tirai indennidadi de disocupatzioni ordinària o speciali, cassa integratzioni, mobilidadi o mobilidadi in dèroga, e nisciunu tipu de pensioni.
Custus rechisius s'interessau ddus depit autocertificai movendi de mèrcuris 29 de su mesi de argiolas de su 2020 finas a sa ora de sa 1 de meigama de giòbia 13 de austu de su 2020, impreendi su mòdulu de autocertificatzioni chi est a disponimentu in s'ufìtziu eletorali o chi si podit scarrigai de su situ istitutzionali. Su mòdulu cumpilau comenti si depit e firmau tocat de ddu intregai a manu a s'Ufìtziu protocollu o mandau a PEC a s'indiritzu protocollo@pec.comune.mogoro.or.it, impari a sa còpia fotostàtica sena de autèntica de unu documentu de arreconnoscimentu bàllidu. Non s'at a tirai a sorti a chini at fatu su scrutadori in una de is ùrtimas duas consultatzionis eletoralis.
Po ndi sciri de prus tocat a pregontai a s'Ufìtziu eletorali tel. 0783-993006.
Scàrriga innoi s'autocertificatzioni a duas lìnguas.
