Su tzentru funtzionali detzentrau de protetzioni tzivili - setori mèteu, at spaniau un'avisu de cunditzionis malas po basca meda, movendi de is 11:00 de oi 29 de trèulas e finas a cenàbura 31 de trèulas de su 2020.
Difatis movendi de oi e me in is diis afatantis ant postu temperaduras artas meda (chi sartant is 37°C) po su prus in sa parti de mesu e ocidentali de Sardigna.
Is temperaduras ant a sartai finas is 40° me in parti de intru, po su prus giòbia e cenàbura.
Sa Protetzioni Tzivili arracumandat, meda a is sugetus a arriscu (is bècius o is chi non si podint atendi de sei, is malàdius o genti chi pigat mexinas, is pipius moddis e pitius, is chi faint esercìtziu fìsicu o is chi faint traballu grai a foras) de non bessiri de domu me in oras de basca meda, de mesudii finas a is 6 de merii; in domu de s'oprigai beni de sa basca cun tendas o persianas e apoderendi su crimatizadori a 25-27°e, a mannu a mannu, de papai lìgeru, fruta e birdura meda, bufai comenti si depit ma lassai a una parti cosa de bufai arcòlica e cun cafeina; bistiri e portai capeddus lìgerus e de colori craru mellus chi non siant a filamentu sintèticu; acontessendi de ddui ai genti malàdia in domu castiai chi non siant ammantadas meda.