Sunt cumentzaus martis
28 de argiolas 2020 a is 21:30 a su Museu tzìvicu "G. Marongiu" de Crabas is atòbius” Incontri d’estate al Museo. Dialoghi a tema sotto le stelle.”
Is initziativas culturalis de su Museu torrant a inghitzai in s’istadiabi 2020 cun unus cantu atòbius intregaus a s’archeologia e a s’istòria de s’arti. Pensaus comenti a unu arraxonamentu,
andant de una chistioni a s’àtera alleghendi de cosas diversas e arrespundendi a is curiosidadis de su pùblicu.
Sa manifestatzioni cumentzat cun Archeologia del sacro e società a Tharros, arraxonendi cun Anna Chiara Fariselli de s’Universidadi de Bologna. Sa diretora de su Museu at a fueddai difati cun sa professora Fariselli chi agiummai de 30 annus traballat a Tharros e est una de is ispertas mannas de su mundu pùnicu in Sardìnnia.
S’allega de s’eventu est
s’archeologia de su sacru.
Si nd’at a fueddai in s’àmbitu de sa sotziedadi punica e romana de sa tzitadi. S’at a chistionai de tèmpius e logus de cultu in sa Tharros pùnica, de tofet, de organizatzioni
sacerdotali, circhendi alliongius culturalis e religiosus cun Cartàgini e sa mama pàtria fenìcia.
S’atòbiu s’at a fai in logu abertu, in s’àrea ainnantis a su Museu. Sighendi is mesuras po cuntènniri su COVID 19 si pedeus de imperai sa mascaredda.
Si intrat a indonu, ma non ant a pòdiri intrai prus de 100 personas. Po informatzionis si podit tzerriai a su nùmeru 0783 290636, ònnia dì de is 10 a is 19.