In su mesi de làmpadas su Ministeru de is Esterus e de sa Cooperatzioni Internatzionali at firmau su Patu po s'Export, unu paperi chi at biu sa partecipatzioni finas de Unioncamere - e chi cuntennit is lineas ghia po prumovi su “Made in Italy” e afortiai is esportatzionis in is mercaus stràngius in custu momentu particulari econòmicu e sanitàriu.
Su Pianu chi si podit scarriai in su situ de sa Càmera de Cummèrztiu , dd'ant sutascritu is Ministrus chi faint parti de sa Cabina di Regia, is Regionis, is assòtzius de categoria e is rapresentàntzias de su mundu de is imprendidoris.
In s'atòbiu est stètiu presentau fintzas s’e-book "Export: una ghia po torrai a partiri", chi podit èssiri scarriada dae su situ de sa Farnesina.
Su cumbidu nostu est cussu de lìgiri custa aina chi serbit a favuressi s'atzessu a is informatzionis apitzus de is servìtzius chi su sistema pùblicu giait a is impresas, una schèscia de " istruzioni per l’uso” po si movi in su mercau foras de s'Itàlia.
Po ònnia fasi benint acraraus is ainas, is initziativas e is servìtzius chi s'impresa podit imperai in matèria de formatzion, informatzioni, orientamentu e agiudus econòmicus.
Intra de custus arregordaus is initziativas de is càmeras de cummèrtziu, sa presèntzia de is CCIAA e de is Unionis regionalis a livellu territoriali, a sa retza de is Càmeras de Cummèrtziu italianas foras de Stadu.