Provìntzia de Aristanis
DECRETU DE S'AMMINISTRADORI STRAORDINàRIU
Decretu n. 16 de su 23/07/2020
Ogetu: Ufìtzius serraus de su 12 a su 18 de austu 2020.
S'AMMINISTRADORI STRAORDINàRIU
- CUNSIDERADA sa netzessidadi, sighendi sa normativa apitzus de sa revisioni e de su cuntenimentu de sa spesa pùblica, de pigai provedimentus cun sa punna de limidai sa spesa etotu (spàciu de energia, limpiadura de is ufìtzius, guardiania de is localis etc.) fintzas serrendi is ufìtzius candu ddu at diis ferialis amesturadas a diis de festa aintru de cida;
- PIGAU A CUNSIDERU ca in custa diis ddu at prus pagu genti chi benit a traballai e est in servìtziu;
- Intèndius is Dirigentis po su chi pertocat su de serrai is ufìtzius de su 12 a su 18 de austu 2020 e cunfirmau ca no ant sinnalau arrexonis chi potzant cumpromiti sa regularidadi de s'atividadi amministrativa ;
- CUNSIDERAU duncas de depi disponni ca:
• is ufìtzius de sa provìntzia abarrint serraus de su 12 a su 18 de austu;
• in is diis chi is ufìtzius sunt serraus is Dirigentis cumpetentis depint providi a assigurai is servìtzius de pronta reperibilidadi;
• sunt amìtias dèrogas spetzìficas dispostas de is dirigentis responsàbilis de setori, cun carateri de ecetzionalidadi;
BIU s'art. 50 de su D.Lgs. n. 267/2000;
AVERIGUADA sa cumpetèntzia sua in matèria
DECRETAT
• de serrai is ufìtzius de sa provìntzia de su 12 a su 18 austu 2020;
• ca is Dirigentis stimint chi in sa simana de serrada bengiant assiguraus is servìtzius de pronta reperibilidadi e si assigurint chi s'ausèntzia siat cunsiderada comenti a congedu ordinàriu sarvu chi bèngiat aplicada àtera tipologia de cuntratu ;
• de intregai custu decretu a su Segretàriu Generali, a is Dirigentis e a s'Ufìtziu de su Personale po ddu mandai a totu su personali e a is RSU;
• chi custu decretu siat publicau a su Cuadru Pretòriu on line in su situ istitutzionali de sa Provìntzia.
Sutascritu de s'Amministradori Straordinàriu
DR. MASSIMO TORRENTE