![](https://image.jimcdn.com/app/cms/image/transf/dimension=408x1024:format=jpg/path/sa508afa0716a6b0f/image/i8334dedd7d8f3418/version/1595573025/image.jpg)
Su "Rotaract Beach Party" est un'atobiada de beneficèntzia de su "Rotaract Club Oristano" chi s'at a fai giòbia 30 de su mesi de argiolas movendi de is 7,30 de merii a Turri Manna, in s'àrea 39 de sa plaja, logu chi si prestat in contu de cumportamentu contras a su Covid-19.
Ocannu puru s'est decidiu de ddu fai in Turri Manna cun sa tenta de contribuiri a donai prus balori a su logu.
Su progetu nascit de su traballu a manu de pari cun sa UISP Unioni Sport po Totus e su patrocìniu de sa Commissioni Servìtzius Sotzialis de su Comuni de Aristanis, innui cun su chi si coberat s'ant a comporai bonus de iscritzioni po permiti a is pipius prus pagu assortaus de pigai parti a is campus de istadi.
Po ndi sciri de prus tocat a castiai me in is profilus de s'arretza de su "Rotaract Club Oristano".
A totu is chi ndi ant a pigai parti depint portai avatu sa mascarina de poni incapitendi de no abarrai atesu s'unu de s'àteru assumancu unu metru.