Si fait sciri a is interessaus ca a partiri de immoi si podint intregai is istàntzias po otenni su Bonus ìdricu Emergentziali po is impitus domèsticus de famìllias residentis in is comunus sardus, comenti stabilèssiu de EGAS in su Regulamentu chi pertocat is agiudus tarifàrius a caràteri sotziali de s'allegau “A” de sa Delìbera de EGAS n. 23 de s'otu de argiolas 2020. Is recuisitus de atzessu, marcaus beni in s'allegau de su Bandu sunt:
• sa residèntzia anagràfica in su Comunu de Siamajore e in su fàbricu serbiu de su cuntratu de frunidura ìdrica;
• su de tenni unu cuntratu de frunidura de àcua deretu o de cundomìniu chi pertocat sa domu de residèntzia de sa famìllia;
• àiri una tzertificatzoni ISEE vàlida (inditadori de sa situatzioni econòmica ecuivalenti) de su nucleu de famìllia chi non siat prus artu de € 15.000,00 o de € 20.000,00 in casu de famìllias chi tenint asumancu 3 fillus minoris (famìllias numerosas);
• èssiri in cunditzioni particulari de dificultadi econòmica po mori de sa suspensioni/smèngua de s'atividadi de traballu dèpia a is mesuras po cumbati su contàgiu de Covid 19.
Sa domanda depit èssiri presentada a s'Ufìtziu de su Protocollu intra e sena sartai su 30 de cabudani 2020.