Su Museu Diocesanu de Aristanis giòbia 23 de argiolas a is 19 inaugurat sa mosta temporànea "Òntos\esserci\esserenelmondo", personali de s’artista Antonello Cuccu.
Architetu, designer, s'impìnniu suu est acapiau a is publicatzionis de valori in s'àmbitu de sa stòria de s'arti. Sa manifestatzioni giat sa possibilidadi a is abbisitadoris de biri 30 annus de atividadi de unu artista "ermeneutico e neorinascimentale". Is arresultaus de sa circa cosa sua ammostant unu scòviu e unu cumpùdiu de sei fitianu.
Sa cotidianidadi, immoi prus de sèmpiri, cumbidat a una reflessioni apitzus de su sentidu profundu e ùrtimu de sa vida. Est in custu cuntestu stòricu chi si introdusit su traballu de Antonello Cuccu.
Sa mosta s'at a pòdiri abbisitai su giòbia e sa cenàbura de is 17 a is 20, su sàbudu e su domìnigu de is 10 a is 13 e de is 17 a is 20, fintzas a su 20 de cabudani 2020.