Si fait sciri a totu sa populatzioni ca movendi de oi, me in is localis de su Tzentru Tzìvicu Comunali in Pratza Othoca (a palas de su Comunu) s'ant a inghitzai a spartziri zàineddus cun borràcia in allumìniu de OTHOK a totu is studentis chi ant frecuentau s'annu scolàsticu 2019/2020 e chi tenint sa residèntzia in su Comunu de Santa Justa, comenti a prèmiu po ai sighiu cun assuntu bellu sa didàtica a distàntzia in tempus de acorru fortzau.
Is zaineddus si podint arretirai in su Tzentru Tzìvicu de sa ora de is 6 e mesu de merii a sa ora de is 8 de merii, me in is diis:
Lunis 20 de su mesi de argiolas - alunnus scola de s'infàntzia
Martis 21 de su mesi de argiolas - alunnus scola primària
Mèrcuris 22 de su mesi de argiolas - alunnus scola segundària de I gradu.