ELENCU NATZIONALI DE IS TÈNNICUS E SPERTUS DE S’OLLU DE OLIA VÌRGINE ED EXTRAVÌRGINI
S’elencu natzionali de is tènnicus e spertus de s’ollu de olia vìrgini ed extravìrgini ddu tenit inderetura su Ministeru poi s Polìticas Agrìculas.
S’iscritzioni permitit de fai parti de sa cummissioni po tastai s’ollu e chi ndi tzertìficat sa classificatzioni.
Po si iscriri, is chi tenint sa residèntzia o chi bolint operai in su territòriu de cumpetèntzia de sa Càmera de Cummèrztiu de Aristanis, podint presentai a sa Càmera una istàntzia in marca de
bullu, acumpangiada de una autotzertificatzioni apitzus de sa sussistèntzia de is recuisitus moralis e professionalis cunfirmaus de una còpia de is atestaus de idoneidadi po pigai parti a
is atòbius de tastamentu, comenti est pediu de sa normativa vigenti.
Recuisitus po s’iscritzioni:
Po si iscriri a s’elencu tocat a tènniri in prus de s’idoneidadi morali comenti est in s’art. 3 de su D.M. 23 làmpadas 1992 custus recuisitus:
• atestau de idoneidadi fisiològica cunsighiu a s’acabbu de unu cursu po tastadoris cuncordau sighendi is critèrius prevididus in sa tzirculari n. 5 de su 18/06/99 chi dissiplinat s’iscritzioni etotu;
• atestau lassau de is Entis pùblicus chi cunfirmint sa partetzipatzioni a asumancu 20 atòbius de tastamentu in in tres annus ainnantis a sa data chi si intregat sa domanda de iscritzioni a
s’elencu, fatus in sa manera previdida in s’allegadu XII de su Reg. CEE 2581/91.
In prus a is atestaus tocat a adduxi a s’istàntzia is ricidas de custus versamentus:
- € 168,00 po sa Tassa de Cuntzessioni Guvernativa de pagai in su c/c postali
8003 intestau a s’Agentzia de is Intradas – Ufìtziu de Pescara Tassas CC.GG. – cun custa causali:
"iscritzioni a s’elencu natzionali de is tènnicus e spertus de s’ollu de olia vìrgini e extravìrgini”
- € 31,00 su
c/c 19228097 intestau a sa Càmera de Cummèrtziu Indùstria Artigianau e Massaria de Aristanis po is deretus cameralis cun custa causali: "iscritzioni in s’elencu natzionali de is tènnicus e
spertus de s’ollu de olia vìrgini e extravìrgini"
Normativa de riferimentu:
• Lei 3 austu 1998 n. 313
• Regulamentu CEE 2568/91 de sa Cummissioni de s’11 de argiolas 1991
• Tzirculari de su Ministeru de is Polìticas Agrìculas n. 5 de su 18 de làmpadas 1999
Mòdulu de iscritzioni:
