Sa Giunta comunali at deliberau su patrocìniu a indonu de s'initziativa "Campuseu", progetu de educatzioni ambientali de s'Istitutu po su stùdiu de is impatus de s'òmini e s'arrispetu de s'ecologia e de s'ambienti marinu de su CNR a manu de pari cun s'Assòtziu de promotzioni sotziali "Sea scout" e s' Àrea Marina protègia de su Sinis. "Campuseu" s'at a fai me in spàtzius a foras de su Tzentru esperièntzias de Seu, chi at cuncèdiu po custu su Comuni de Crabas, intra de su 17 e su 22 de austu.
"Afortiaus is collaboratzionis prus de importu cun su Ias-Cnr e cun unu assòtziu chi traballat in su territòriu nostu - decrarat su sìndigu Andrea Abis - patrocinendi un'initziativa de educatzioni ambientali de importu po is prus giòvanus".
In lìnia cun is punnas istitutzionalis de s'àrea marina protègia, chi funt in su Decretu de su Ministeru de s'Ambienti de su 20 de trèulas de su 2011, "Campuseu" tenit sa tenta principali de fai sciri e educai is piciocus, finas cun disabilidadi connotivu-relatzionali, a connosci e a protegi is ambientis marinus de sa costa. Ambientau in un'àrea marina protègia, su progetu punnat po su prus a valorizai su rolu, finas imparendi sa biologia marina de basi e fainas in su logu, in terra e in mari, cun s'agiudu de s'Assòtziu "Sea scout".