Comunu de Mòguru
Su servìtziu de assistèntzia sotziali
Po Assistèntzia Sotziali si bolit nai totu is atividadis chi pertocant su de cuncordai e giai servìtzius e/o prestatzionis chi tenint sa punna de ndi bogai e de binci situatzionis de abisòngiu e de dificultadi chi totu is personis podint atobiai in sa vida issoru.
S’Amministratzioni Comunali, cuncordendi is interventus spetzìficus chi pertocant s’assistèntzia sotziali organizat su servìtziu donendi importàntzia manna a sa persone, e intervennit non feti in is efetus ma prusatotu apitzus de su chi at ocasionau cussa dificultadi e duncas cussu abisòngiu.
Is servìtzius giaus pertocant: su de ndi bogai su canoni de locatzioni, cuntributus a is chi tenint abisòngiu, SGATE: Sistema Gestioni Tarifas Agilitadas, Assistèntzia a domitzìliu Agilitada e cosa de papai callenti a domitzìliu, cumbati sa poberesa, agiudus econòmicus po is emigraus chi ndi torrant a bidda, progeto @ll-in (internet po totus).
Intra de is servìtzius arremonaus fintzas:
Rèditu de Inclusioni Sotziali “REIS”
Su R.E.I.S. previdit de giai unu agiudu econòmicu ònnia mesi a is famìllias chi sunt in una cunditzioni de poberesa. Su agiudu est acapiau a unu percursu de inclusioni sotziali cuncordau in unu progetu personalizau cun sa famìllia benefitziària e chi tenit sa punna de dda agiudai a ndi bessiri de custa situatzioni de dificultadi.