Fadeus sciri ca s’Amministratzioni Comunali po s'annu 2020, bolit fai ATTIVIDADIS DE ANIMATZIONI ESTIVA po pipius e piciocheddus chi tenint prus pagu de 18 annus e sunt residentis in su Comunu de Biddobrana e chi in su 2020 ant frecuentau sa scola elementari o sa scola mèdia.
Is atividadis s'ant a cuncordai in custa manera:
N. 5 mangianus sportivus a Crabas cun su Tzìrculu Nàuticu Aristanis (s'ant a fai : canoa/percursus sportivus po cumentzai sa pràtica sportiva e àteras esperièntzias in dragon-boat).
Datas: Giòbia 30/07, Lunis 03/08, Giòbia 06/08, Cenàbura 07/08 e Lunis 10/08/2020 Oràrius:
8.00 atòbiu acanta a s’ex Matatòiu in trumas spartzidas ònnia 10 minutus po fai su "triage";
8.30 partèntzia po Crabas
9.00 arribu a Crabas e inghitzu de is atividadis;
12.50 Partèntzia de Crabas
13.30 Arribu a bidda
Onni minori chi at a pigai parti at a pagai €. 50,00, si pigant parti duus o prus cumponentis de ònnia famìllia custus ant a pagai su 50 % prus pagu, duncas 25 € onniunu.
04/09/2020 GITA A SU PARCU DE DONNORTEI cun laboratòrius, abbisita a su parcu e a su museu.
8.00 atòbiu acanta a s’ex Matatòiu in trumas spartzidas ònnia 10 minutus po fai su "triage";
8.30 partèntzia po Donnortei
13.00 pràngiu in agriturismu
15.00 abbisita a su Museu
17.00 Arribu a bidda
Is chi pigant parti, pagant €. 15,00 onniunu.
Is cuotas si depint pagai ainnantis de cumentzai is atividadis a su Contu de sa Tesoreria de su Comunu de Biddobrana (po is 5 diis a Crabas si depit pagai totu fintzas chi su chi pigat parto bolit andai feti calincuna dì). Su mòdulu de domanda e s’informativa privacy si depint cunsinniai a manu in sa casseta apicada a foras de su Comunu o si podint mandai a s'indiritzu mail info@comune.villaurbana.or.it o PEC protocollo@pec.comune.villaurbana.or.it, imperendi su mollu dedicau intra e sena sartai su 27 de argiolas 2020 firmau e cumpilau in ònnia parti.
SI ABETAUS!!