Sa Responsàbili de su servìtziu
Esecutendi sa determinatzioni sua n. 571-134 de su 10.07.2020 fait sciri ca, cun fundus de su bilàntziu , est stabilèssiu unu bandu chi spartzit cuntributus po torrai su dinai de is ispesas de viàgiu a is istudiantis de is iscolas superioris e artìsticas, fintzas is Conservatòrius Musicalis, po s’annu scolàsticu 2019/2020.
Sa graduatòria s'at a fai tenendi contu de su prètziu de s'abbonamentu, de su rèditu ISEE e de is percentualis stabilèssias de su regolamentu vigenti po su deretu a su stùdiu. "Su costu de s’abbonamento s'at a stimai cunsiderendi sa smèngua de su prètziu po rèditu , comenti in is diretivas ARST e Ferrovias de su Stadu. No est d'òbligu presentai faturas e scontrinus."
Si sa somma previdida no at a bastai po torrai totu su dinai, s'at a apricai una percentuali de ridutzioni a totu is chi sunt amìtius in graduatòria.
Is istudiantis interessaus depint presentai a su Comunu, a s'ufìtziu de su protocollu, intra de su 31 de austu 2020, domanda de cuntzessioni de su cuntributu acumpangiada de sa documentatzioni indicada in s'istàntzia de partetzipatzioni.
No ant a èssiri amìtius in graduatòria is chi tenint unu rèdditu prus artu de € 15.000, chi arresultat de sa tzertificatzioni ISEE .
Is mòdulus po presentai sa domanda de partetzipatzioni s'agatant in s'Ufìtziu de su Protocollu.
Po ònnia acraramentu, su Responsàbili de su protzedimentu est su Sig. Fabrizio Melis, tel. 0783354519.
Santa Justa,
Su responsàbili de su protzedimentu Sa responsàbili de su servìtziu
f.to Fabrizio Melis f.to Dr.ssa Susanna Serra