S’Unioni de is Comunus de is Fenìcius est unu de is Entis benefitziàrius in s'àmbitu de su P.O. FESR 2014-2020 Obietivu Temàticu 2 - Atzioni 2.2.2: "Solutzionis tecnològicas po cuncordai servìztius de e-Government interoperàbilis, integraus (joined-up services) e progetaus impari cun tzitadinus e impresas, solutzionis integradas po"Smart cities and communities - Interventu SUAPE-I2"
Sa punna de su progetu est pònniri impari variedadis de software diversas, imperadas in su SUAPE de s’Unioni e in is Comunus chi ndi faint parti, po permìtiri de manigiai funtzionalidadis meda menguendi sa netzessidadi de interventus manualis de is operadoris (de su SUAPE e de is àterus Ufìtzius Comunalis) po chi siat possìbili su scàmbiu de datus, informatzionis e comunicatzionis intra de is sistemas informàticus.
Si bolit duncas fai prus eficienti, econòmica e eficaci s'atividadi de is operadoris chi in sa gestioni de unu protzedimentu depint imperai sistemas diversus.
Su svilupu de su progetu tenit duncas sa punna de fai nasci una integratzioni intra de servìtzius diferentis po pòdiri gestiri su datu, apustis de dd'ai achiriu, in una piataforma ùnica. Sa pràtica, candu at a èssiri a disponimentu in su portali regionali, s'at a pòdiri liai e achiriri in sa protzedura ogetu de su progetu e cumpartzida a manera produtiva intra de is servìtzius.
Sa punna ùltima est cussa de arribai a una piataforma aguali innui is protzeduras de ònnia servìtziu sunt integradas e si ndi podit gosai in modalidadi SaaS.
Po ndi sciri de prus, podeis sighiri custu link:
http://www.