![](https://image.jimcdn.com/app/cms/image/transf/dimension=291x10000:format=jpg/path/sa508afa0716a6b0f/image/i9e3342be8fb5f47e/version/1594809286/image.jpg)
Torrat a cumentzai in Crabas su servìtziu de microcipadura de is canis, su 16 de argiolas a is 9:30, in is localis de su Tzentru polivalenti de Crabas, in via Tharros.
Si ponit in su cani, sena chi ddi incrèsciat, unu microchip asuta a sa peddi. Est unu servìtziu prumòviu de su servìtziu veterinàriu de sa ATS_ASSL de Aristanis. Est de fundamentu in sa gherra contra a su randagismu.
Immoi po prevènniri e smenguai s'ispainadura de su covid19, su servìtziu si fait apustis de ai prenotau. Po àiri unu apuntamentu tocat a cuntatai s'ufìtziu de sa Politzia locali, de su lunis e su cenàbura de is 10 a is 12. Po informatzionis podeis tzerriai a su nùmeru 0783397271.
Su meri de su cani si depit presentai cun su còdixi fiscali e unu documentu de arriconnoscimentu. Is canis mannus e chi podint mussiai depint portai unu murrabi e sa petorina si est netzessàriu.
Tocat in prus a portai is ddp e arrespetai su distantziamentu sotziali.
Su servìtziu est a indonu.