SUNS EUROPE est su festival europeu de su spetàculu in is lìnguas de minoria. Est cumentzau in su 2009 comenti a cuncursu musicali po is comunidadis minoritàrias de s'Europa alpino-mediterrànea, e su festival est oi diventau unu momentu e logu de atòbiu po artistas de is monorias linguìsticas de totu s'Europa.
Sonus ma fintzas cinema e òperas de literadura chi espressant identidadis esistentis e resistentis imperendi fueddus e visionis. Su festival est cumentzau a Udine, in Friuli, su coru multilìngue de s'Europa. ARLeF , s'Agèntzia regionali po sa lìngua friulana, at crètiu luegu in su progetu, e dd'at mudau in unu eventu internatzionali.
Onni annu SUNS Europe giait unu prèmiu a sa mellus produtzioni artìstica in lìngua de minoria de su continenti. Sa punna est cussa de giai a is lìnguas de minoria una parrièntzia moderna: is lìnguas de minoria depint èssiri espressionis alligras e abbistas de sa cultura e non de su folklore. Po una Europa chi siat diaveras unida in sa diversidadi sua.