Comunu de Mòguru
Su Sport e su tempus lìberu in sa bidda de Mòguru.
Su sport arrapresentat unu de is mesus de prus importu po trasmìtiri is valoris a is giòvunus. Su spìritu de scuadra, su spìritu de sacrifìtziu, sa sintzillesa, s’arrespetu de s’avversàriu e de is arrègulas sunt tra is valoris prus importantis chi su sport podit donai.
Mòguru tenit sa fortuna de àiri meda atividadis sportivas. Sunt sèmpiri de prus i giòvunus, is mannus e fintzas is antzianus mogoresus chi faint sport in sa bidda.
Storicamenti su primu sport nàsciu in Mòguru est su giogu a palloni, apustis a bellu a bellu cun su passai de su tempus si sunt aciuntus àteras dissiplinas.
In custus ùrtimus annus atretas meda ant tentu arresultaus mannus e calchi atreta est fintzas diventau professionista, argunas scuadras localis si sunt sceradas in is campionaus regionalis, e àteras trumas isportivas sunt lòmpias a is iscaberis prus artus in is campionaus natzionalis.
Po favoressi sa pràtica sportiva est fintzas nàscia sa Consulta Comunali po su sport chi imprassat totu is assòtzius sportivus, totus impari si traballat po promovi e ispainai s’atividadi sportiva.
Is logus po fai sport in Mòguru sunt su stàdiu comunali in via de su campu, is impiantus intercomunalis in localidadi “Santu Miali”, sa palestra de via Dessì, sa palestra e is campus de s’Istitutu Tènnicu Commertziali, e su campetu de Pratza Sant’Antiogu.