Rimbursu spesas de viàgiu a is studentis de sa scola segundària de II gradu - Annu scolàsticu 2019-2020
La Responsàbili de su Servìtziu, ponendi in pràtica sa detèrmina sua n. 571-134 de su 10.07.2020, fait sciri ca, cun dinai aposta de bilànciu, est publicau unu bandu po assinnai unu cuntributu po su rimbursu de is spesas de viàgiu a is studentis de is scolas segundàrias superioris e artìsticas, e finas a is Conservadòrius Musicalis, de s'annu scolàsticu 2019-2020.
Sa graduatòria s'at a fai tenendi contu de su costu de s'abbonamentu, de is fàscias de rèdditu ISEE e de is percentualis chi su regulamentu po su deretu a su stùdiu de immoi stabilit. "Su costu de s'abbonamentu s'at a carculai cunforma a s'amenguamentu de su costu cunforma a su fai parti de una fàscia de rèdditu crara, comenti narant is diretivas ARST e Ferrovias de s'Istadu. No est de òbrigu a intregai is documentus chi cumproant". Acontessendi de non bastai su tanti postu in bilànciu po ammantai totu su fabisòngiu, si at a apricai una percentuali de ammenguamentu a is chi ant amìtiu in sa graduatòria.
Is studentis interessaus depint intregai a su Comunu, a s'ufìtziu protocollu aintru de sa data de su 31 de austu de su 2020, istàntzia de cuncessioni de su cuntributu aunendi totu is documentus chi ddui funt in sa rechesta de partecipatzioni.
S'ant a lassai foras de sa graduatòria is chi tenint rèdditu chi arresurtat de sa certificatzioni ISEE prus artu de € 15.000.
Is mòdulus po fai rechesta funt a disponimentu in s'Ufìtziu Protocollu.
Po cali si siat crarimentu chi ddui podit essi, su Responsàbili de su procedimentu Senn. Fabrizio Melis, tel. 0783354519.