Comenti cuncordai manifestatzionis e traballus
Manifestatzionis sportivas, cumpetitivas e non , in sa strada
Po cuncordai .manifestatzionis sportivas, cumpetitivas e non, chi si faint in sa strada in su territòriu comunali est netzessàriu domandai s'autorizatzioni previdida de s'art. 9 de su Còdixi de sa Strada.
In s'istàntzia andat spetzificada si sa manifestatzioni est de cumpetitzioni o no e cali est su caminu suu, su schèsciu de cumpetitzioni (es. tziclìstica, a pei, a màchina o a motocicleta, ecc.) e si ddu est sa disponibilidadi de una ghia tènnica.
Si sa manifestatzioni previdit de instituiri unu divietu de sosta o de serrai, fintzas po pagu tempus, calchi strada, si depit comunicai custa netzessidadi a su cumandu de Politzia Munitzipali.
Manifestatzionis de spetàculu pùblicu
S'Ufìtziu dedicau lassat totu is autorizatzionis prevididas de su Testu ùnicu in matèria de leis apitzus de sa siguresa pùblica prevididas in matèria de spetàculu pùblicu, siat a is sugetus chi ddas faint comenti a traballu. siat a assòtzius sena punna de guadàngiu, in su respetu de su regulamentu vigenti in matèria de incuinamentu acùsticu.
Anchè custu ufìtziu si podit intregai sa SCIA (Sennalatzioni Tzertificada de inghitzu atividadi) candu est previdida de sa lei. .
Serrai is istradas po manifestatzionis o traballus
Candu incapitat de ddu èssiri manifestatzionis e traballus chi strobint o tressint de passai in is istradas, si podit domandai chi bèngiat emìtia una ordinàntzia po imponni òbligus, divietus po limitai s'imperu de is bias abertas a su pùblicu.
S'istàntzia dda podint presentai is tzitadinus, is assòtzius o is entis pùblicus.
Informatzionis
Tocat a circai s'ufìtziu cumpetenti po àiri totu is informatzionis chi pertocant is protzeduras apitzus de ònnia casu spetzìficu, a sa manera de presentai is istàntzias e a sa SCIA.