Movendi de mèrcuris 15 de su mesi de argiolas e finas a lunis 31 de austu sa ATS-ASSL Aristanis at a atacai cun sa Guàrdia mèdica turìstica in tres localidadis de mari anca ddui andat prus genti:
Turri Manna, Putzu Idu e Santa Caterina de Pitinuri. Me in si ambulatòrius. chi funt abertus totu is diis de is 8 de mangianu a is 8 de merii, s'at a assegurai s'assistèntzia de basi a is chi non tenint sa residèntzia, in mesu a totu is turistas e is traballadoris stagionalis.
Custus is recàpitus de is sedis de Guàrdia mèdica turìstica in provìntzia de Aristanis:
Turri Manna (Aristanis)
Pratza de sa Turri, n.26
tel. 348.6689144
Putzu Idu (Sant'Eru)
in s'istitutu Evaristianus (bia de Evaristo Madeddu)
tel. 345.6619173
Santa Caterina di Pitinuri (Cùllieri)
me in is scolas elementaris
tel. 340.2700346
Is prestatzionis funt de pagai a segunda de su tarifàriu chi sa Regioni Sardigna at stabiliu, chi ponit in contu una tarifa de 16 èurus po is bìsitas de ambulatòriu, de 30 èurus po cussas in logu de domu e de 8 èurus po torrai a fai retzetas, po mesurai sa pressioni, po medicatzionis e terapias a inietzioni.
Is assistius chi non funt residendi in Sardigna ant a depi pagai s'importu chi pertocat sa prestatzioni donada, ma chi funt esentaus, incapitendi ca sa normativa de sa Regioni de anca ndi apròliant ddu ponit in contu, ant a podi pediri su rimbursu a sa ASSL insoru de anca faint parti. Is citadinus chi funt residendi in Sardigna e chi faint parti de categorias reconnotas esentadas no ant a a depi pigai parti a su costu de su servìtziu, ma autocertificai su istadu insoru in su mòdulu chi su mèdicu de guàrdia ddis donat.