Sa Càmera de Cummèrciu de Tàtari, paris cun is Càmeras de Cummèrciu de Casteddu, Nùgoro e Aristanis at cuncordau una carrera de atòbius in su seminàriu interativu in internet chi torrant me in is initziativas pesadas po donai agiudu a is impresas turìsticas sardas, in sa parti initziali torrendi a atacai apustis de su tempus malu chi at postu in genùngu totu s'economia e, in mesu a totu su turismu, setori nevràlgicu po su territòriu nostu.
“FAI TORRAI A PARTIRI SU TURISMU, A PROTAGONISTA”, est su tìtulu chi ponit a craru custus atòbius, dedicaus, po su prus, a is impresas de sa ricetividadi e de sa ristoratzioni, chi bolint parai faci, cun firmesa, torrendi a aberri su mercau insoru cun ainas futas e cuscièntzia in prus.
Is atòbius tocant is temàticas atualis meda chi andant de comenti parai faci a sa crisi, a su torrai a pensai a una strategia cummerciali pròpia, a comenti assegurai sa seguresa giusta a is clientis sena de ndi fai arrisentiri sa calidadi, a comenti impreai beni is ainas de sa comunicatzioni.
Po chistionai de custas temàtica, eus seberau, a manu de pari cun ISNART (collaboradori tècnicu nostu), unu panel de espertus chi ant a fai a borta a borta fadendi is 5 cursus e chi s'ant a fruniri totu is elementus chi serbint, chi ndi arribant de sa testimonia dereta de chi si òcupat de atendi a is impresas turìstica totu de sighida.
In s'agenda de is atòbius eis a agatai a fini a fini is informatzionis po ndi pigai parti:
- Po s'iscriri: a intru de s'agenda, cun su programma a fini a fini, eis a agatai a cada unu seminàrius interativu, su cumandu "registrati per partecipare". Intrendi a cussu indiritzu teneis sa possibilidadi de cumpilai unu mòdulu de registratzioni e s'iscriri in modu de assegurai sa partecipatzioni. Custa operatzioni at a tocai de dda torrai a fai ònnia borta chi boleis pigai parti a su seminàriu interativu de interessu de bosàterus a s'indiritzu de riferimentu. Ponei acoa in agenda sa data e s'oràriu po no arriscai de scaresci s'eventu. S'indiritzu po intrai si ddu ant a mandai a registratzioni fata.
Po teni sceda de is preguntas de bosàterus: a s'acabbu de ònnia seminàriu interativu est postu in contu unu Tempus po is Preguntas, unu momentu postu a disponimentu, innui is espertus ant a fai a borta a borta po torrai sceda a totu is preguntas.