Comuni de Crabas
SERVìtZIus ONLINE
Su Sportellu telemàticu polifuntzionali de su Comuni de Crabas
Cun su sportellu telemàticu polifuntzionali podis intregai online totu is pràticas a calisisiat ora de sa dii, sena chi depast bènniri in Comuni. Sa pràtica presentada a manera telemàtica difati arremprasat in totu cussas fatas in paperi, poita arrespetat su chi est prevididu in su Còdixi de s'Amministratzioni Digitali. Su sportellu telemàticu polifuntzionali ti permitit de:
· Ligi totu is informatzionis e is normas netzessàrias po presentai sa pràtica
· Cumpilai e firmai sighendi una ghia is mollus digitalis
· Fai is pagamentus online
· Cuntrollai ònnia fasa de su stadu de avantzamentu de unu protzedimentu.
Cun custu sistema duncas si ammenguant is tempus de abetu e s’amministratzioni pùblica mellorat su traballu de is ufìtzius suus.
Su sportellu telemàticu est s’aina chi permitit de cumpriri su Pianu de informatizatzioni introdùsiu de su Decretu Lei de su 24/06/2014, n. 90 e diventau de òbligu po totu is amministratzionis pùblicas.
S’atzessu a sa setzioni Area Marina Protetta e Prenotatzionis est permìtia fintzas a is impitadoris chi faint s’autoregistratzioni.
Sa setzioni Cuncursus dda seus ancora aprontendi