A partiri de su 20 de maju sa provìntzia de Aristanis at cumentzau is atividadis prevididas de su Pranu triennali de cuntrollu da sa carroga murra avalessendi-si de s'agiudu de is massajus feti, agiummai setanta formaus cun cursus spetzìficus chi ant ammostau interessu a pigai parti a s'aciapa e a s'abatimentu in is terras issoru, cunsennendi apustis is pillonis a sa ASL de cumpetèntzia po su cuntrollu de sa maladia West Nile.
Apustis de is acraramentus netzessàrius de sa Regioni Sardìnnia chi pertocant sa manera de atuai su Pranu, comunicada su 24 de làmpadas passau, s'atividadi de abatimentu benit ammanniada fintzas a àteras persones delegadas de is meris o afituàrius de is terras. Sa dèlega benit lassada de su meri o de s'afituàriu de sa terra in forma scrita e is delegaus depint ai passau is cursus de formatzioni.
Po s'atividadi de abatimentu siat is massajus siat is delegaus depint arrespetai is protocollus operativus cuncordaus cun s'a ATS e CFVA
S'Ufìtziu Gestioni Faunistica (Giuseppe Cherchi – Silvano Casula) assigurat totu s'agiudu netzessàriu arrispundendi a su nùmeru 0783 7931