Sa Provìntzia de Aristanis, giai de su 20 de maju passau at incarrerau is fainas de su Pianu Triennali po controllai sa Carroga braxa, giuendi-sì de s'agiudu de is messàius feti, prus o mancu 70 formaus cun cursus aposta, chi ant ammostau interessu a dda aciapai e a dda bociri me in is terras insoru, intreghendi esempraris a sa ASL de cumpetèntzia po ddis controllai sa maladia de sa Calentura de su Nilu.
Apustis de ai donau, sa Regioni Sardigna, is crarimentus chi abisòngiant a pitzus de sa manera de poni in pràtica su Pianu, su 24 de su mesi de làmpadas passau, cun comunicau at ampriau su traballu po nci ddas ghetai a terra finas a àtera genti chi meris e/o is chi sighint is terras ant delegau. Sa dèlega dda depit donai su meri o su chi sighit sa terra a manera scrita e is delegaus depint ai passau is cursus de formatzioni aposta.
Ghetendi-ddas a terra siat is operadoris/messàius de immui, siat is delegaus depint sighiri a fini a fini a is proceduras de traballu giai cuncordadas cun sa ATS e CFVA.
S'Ufìtziu Gestioni Faunistica (Giuseppe Cherchi - Silvano Casula) assegurat a is interessaus s'agiudu chi abisòngiat de informatzionis a su nùmeru 0783 7931.