Worldpass est su Sportellu po s’"internatzionalizatzioni chi donat servìtzius de orientamentu, informatzioni e assistèntzia apitzus de chistionis chi pertocant su cummèrtziu cun is istadus stràngius. Is impresas chi tenint giai alliòngius cummertzialis cun custus stadus e fintzas cussus chi bolint cumentzai ant a agatai in sa Càmera de Cummèrtziu unu agiudu coidadosu e capassu chi gratzias fintzas a sa collaboratzioni e a is informatzionis de is istitutzionis chi sustennint s’export italianu (is Ministerus cumpetentis, is Regionis, s’ICE-Agèntzia, sa SIMEST e sa SACE), podit arraspundi sèmpiri a calisisiat chistioni a pitzus de custa matèria.
Cun su sportellu Worldpass o sa piataforma web www.worldpass.camcom.it est possìbili:
- àiri informatzionis apitzus de stadus e mercaus, setoris econòmicus, leis internatzionalis e novas de comenti est andendi su mercau;
- tènniri informatzionis de comenti abèrriri una impresa di import-export e de su chi tocat a fai po cumentzai una atividadi cummertziali internatziona, apitzus de is printzìpius de marketing internatzionali chi sunt netzessàrius po cuncordai una strategia chi siat vàlida, e as a podi fintzas connòsciri su livellu de "esportabilidadi de is prudutus;
- Domandai assistèntzia cumpetenti chi pertocat sa tzertificatzioni, is protzeduras doganalis, fiscalis e de assiguratzioni; normativas internatzionalis; ispainadura de is programmas e de is calendàrius; comenti fai sotziedadis foras de stadu, contratualìstica internatzionali; finantziamentus internatzionalis e comunitàrius, informatzionis chi pertocant is oportunidadis giadas de Simest e Sace;
- Connòsciri is normativas e dispositzionis apitzus de is documentus netzessàrius po portai is produtus foras de stadu, is cunventzionis internatzionalis, is tzertificaus, is autus netzessàrius po cumentzai relatzionis de cummèrtziu cun s'èsteru
- Ligi s'elencu de is initziativas comenti a missionis, partetzipatzioni a fieras e initziativas spetzialis de sa Càmera de Cummèrtziu e non .
- Atzedi – cun su giassu worldpass.camcom.it – a unu servìtziu a indonu de consulèntzia po àiri arrespustas apitzus de is dudas prus difitzilis chi nascint candu si traballat cun is Stadus stràngius. Una truma de espertus at a giai agiudu intra de tres diis.
Sea:
Càmera de Cummèrtziu Indùstria Artigianau Massaria de Aristanis
Via Carducci, 23/25 - 09170 Aristanis
Referentis:
Area Tzertificativa - Giorgio Pala
Tel. : 0783-2143 223
Email: promozione@or.camcom.it
Area Informativu-assistentziali - Claudia Cigagna/ Giorgio Pala
Tel.: 0783-2143 253/223
Email: promozione@or.camcom.it
Oràrius: de su lunis a su cenàbura de is 09.00 a is 13.00 / martis - giòbia 15.00 - 17.00